iyah kowe

jroning ati rasane pengen nguwisi,

tapi rasa iki isih ana ing ati

pengen anggonku ngupadi

tapi kayane yawis disulayani

sapa sing bakal ngobati

yen ati iki rasane wis gegirisi

sapa sing bakal ndamoni

yen sing didamu ora gelem mari

dening : Erna Yulianti Safitri

ngupadi

yen awak iki isa ngupadi

kedadeyane ora bakal kaya ngene iki

yen rina isa dibaleni

wengi iki ora bakal sansaya sepi

yen ati iki isa ngupadi

ora bakal awaku sansaya nguciwani

yen dina iki isa dibaleni

ora bakal aku nglarani ati

dening : Erna Yulianti Safitri

something

kenangan yang ada membuat hidup menjadi lebih berwarna :)

nggurit

yen mbulan isa ngetokake cahyane

semana uga awakmu

cahyamu ora saka padanging lampu

ananging, saka tulusing atimu


yen banyu isa ngedemke panasing donya

semana uga awakmu

ora nganggo apa-apa

amung perhatianmu sing isa ngedemke pikirku

by : Erna Yulianti Safitri

Sidane Kepriye?

Basa Jawa yaiku Basa kang digunakake dening masyarakat Jawa, mligine Jawa Tengah lan Jawa Timur. Anane isu yen Basa Dhaerah bakal diilangake saka kurikulum 2013 andadekake masyarakat sansaya ketar-ketir, mligine para mahasiswa Basa Jawa sing peduli marang adat karo budaya dhaerah kang kudune diuri-uri. Universitas sing buka Jurusan Basa Jawa iya bakal kena imbase, peminat jurusan basa jawa uga bakal mudun. Amarga persepsi yen jurusan Basa Jawa wis ora ana prospek mengarepe. Yen Jurusan Basa Jawa sida diilangake saka kurikulum, banjur kepriye nasibe calon guru-guru basa jawa. Ameh ngulang apa yen basa jawa bakal diilangi? Apa kudu ngajar mata pelajaran liyane?

Para Mahasiswa Jurusan Basa Jawa uga pada ngupayakake Basa Jawa iku tetep dadi mata pelajaran kang kudu diajarake ning SD, SMP, utawa SMA. Tuladhane Mahasiswa Jurusan Bahasa dan Sastra Jawa Unnes kang nganakake seminar sing ngrembug babagan kurikulum 2013. Ing seminar kuwi dijlentrehake yen basa jawa ora bakal diilangi nanging mung dilebokake ing mata pelajaran muatan lokal.

Ing wilayah jawa timur, lan DIY uga gencar dianakake seminar kanggo bahas kelangsungane basa jawa ing kurikulum 2013. Pemerintah dhaerah uga pada ngusahakake supaya basa jawa tetep ana ing kurikulum 2013 sing bakal ditrepake wulan Juni iki. Upaya kang dilakoni dening pemerintah dhaerah iku pungkasaning ngentukake asil, isu yen basa dhaerah bakal diilangi nyatane mung isu kang kagawa angin. Basa dhaerah nyatane ora diilangi, mung wae jeneng mata pelajarane ora basa jawa maneh nanging muatan lokal. Jam pelajaran kanggo basa jawa uga kudu dibagi karo muatan lokal liyane yaiku kesenian. Yen kaya mengkene guru-guru basa jawa bakal angel kanggo menuhi syarat ngajar 24 jam supaya bisa dadi pegawe negri sipil. Para guru basa jawa kudu mulang saora-orane 2 sekolah supaya bisa menuhi syarat kuwi mau.

Dening : Erna Yulianti Safitri

2601412076